جٹ ائر ویز کے برطرف ملازمین بحال

بھارت کی ایک بڑی فضائی کمپنی جٹ ائر ویز کے چیئر مین نیرش گویال نے کہا ہے کہ ان ملازمین کا بحال کرنا ان کا اپنا ذاتی فیصلہ تھا۔ نیریش نے ان تمام ملازمین کو بحال کرتے ہوئے ان سے معذرت کی اورکہا ادارے کی انتظامیہ کو سمجھنا چاہئے کہ کبھی کبھار ایک گھرانے میں کسی بات پر اختلاف ہو جاتا ہے لیکن اس صورت میں فیصلہ گھر کا سربراہ کرتا ہے۔

اس سے قبل جٹ ائر ویز نے کمپنی کےاخراجات میں کمی کرتے ہوئےتقریبا دو ہزار ملازمین کو نکالنے کا فیصلہ کیا تھا جنمیں سے آٹھ سو کو نوکریوں سے فارغ کر دیا گیا تھا۔