شریف برادران کے خلاف سازشیں : مسلم لیگ ن

پاکستان مسلم لیگ کے رہنما احسن اقبال نے آج لاہور میں ایک پریس کانفرنس سے خطاب کرتے ہوئے دعویٰ کیا ہے کہ پی سی او کے تحت حلف اٹھانے والے جج ، صدر پرویز مشرّف کے حکم پر ،میاں نواز شریف اور میں شہباز شریف کے ضمنی انتخابات کے لیے کاغذاتِ نامزدگی مسترد کروانے کی غرض سے سازشیں کر رہے ہیں۔

احسن اقبال نے اس موقع پر ایک آڈیو ٹیپ بھی سنوائی جس میں مبینہ طور پر مسلم لیگ قاف کے رہنما اور سابق وزیرِ اعلیٰ پنجاب چوہدری پرویز الٰہی ایک ایسے شخص سے بات کر رہے ہیں جوصدر پرویز مشرّف کا قریبی ساتھی ہے اور نواز شریف کے کاغذاتِ نامزدگی مسترد کیے جانے کی پیشگی اطلاع دے رہا ہے۔