'عرب امارات میں غیر ملکیوں کا 'سیلاب

یو اے ای کی بے پناہ دولت دنیا بھر کے لئے کشش کا باعث ہے۔بھارت اور پاکستان جیسے جنوبی ایشیائی ممالک سے محنت کش افراد بہتر روزگار کی تلاش میں اور اپنے مستقبل کو سنوارنے کے لئے دبئی اور ابو ظہبی جیسی خلیجی ریاستوں کا رُخ کرتے ہیں۔جرمنی سمیت دیگر یورپی ممالک سے بڑی تعداد میں پیشہ ور افراد متحدہ عرب امارات کی طرف کھینچے چلے آتے ہیں۔غیر ملکی تارکین وطن کی تعداد میں مسلسل اضافے کے باعث متحدہ عرب امارات کی حکومت اور مقامی باشندوں کو تشویش لاحق ہے۔اس تشویش کے پیچھے کون سی بنیادی وجوہات کارفرما ہیں؟