معاشرہ

دستک

گیم بوائے کے تیس برس

’آیا اور چھا گیا‘

21 اپریل 1989 کو جاپانی کمپنی نینٹینڈو نے اپنا پہلا گیم کنسول متعارف کرایا تھا۔ تب ویڈیو گیم بنانے والے ممالک میں جاپان ایک نمایاں ملک تھا۔ اس کنسول نے جلد ہی دنیا بھر میں مقبولیت حاصل کر لی۔ اسی سال جون میں گیم بوائے نے امریکا میں تہلکہ مچایا جبکہ 90 کی دہائی میں یہ یورپ میں بھی پسندیدہ بن گیا۔ گزرتے وقت کے ساتھ اس گیم میں اپ ڈیٹ کا سلسلہ جاری رہا۔ اب تک 120 ملین گیم بوائے کنسول فروخت ہو چکے ہیں۔

گیم بوائے کے تیس برس

ویڈیو گیمِنگ کی دنیا میں انقلاب

80 کی دہائی میں جوئے خانوں میں بڑی بڑی مشینیں ہوتی تھیں، جن پر گیمز کھیلنا آسان نہیں تھا۔ تاہم آہستہ آہستہ ان کی جگہ آسان ویڈیو گیمز نے لے لی۔ اگر آپ کو یاد ہو تو یہ ’ڈونکی کانگ‘ گیم ہے، جس میں بعد ازاں سپر ماریو ایک اہم کردار بننا تھا۔ اُس وقت ہوم ٹی وی اور کمپیوٹر گیمز انتہائی مہنگی تھیں۔

گیم بوائے کے تیس برس

ایک کنسول لیکن مختلف گیمز

اسی دور میں اکیس اپریل سن 1989 کو گیم بوائے متعارف کرایا گیا۔ ایک ایسا قدرے سستا کنسول جو جیب میں بھی فٹ ہو جاتا تھا۔ اس چھوٹے سے کنسول کی مدد سے کئی گیمز کھیلی جا سکتی ہیں۔ بس ایک چھوٹی سی ڈسک اس کنسول میں انسرٹ کرنا ہوتی ہے۔ اگرچہ اس دور میں اس طرح کی کئی گیمز مارکیٹ میں موجود تھیں لیکن گیم بوائے نے جو مقبولیت حاصل کی، اس کا مقابلہ کوئی نہ کر سکا۔

گیم بوائے کے تیس برس

استعمال میں انتہائی آسان

گیم بوائے کی ایک خصوصیت یہ بھی تھی کہ اس کا کنٹرول انتہائی آسان تھا۔ یوزر فرینڈلی انٹر فیس نے اس ڈوائس کی مقبولیت میں ایک اہم کردار ادا کیا۔ تب بچے کیا بڑے بھی اس کے ساتھ شوق سے کھیلتے تھے۔

گیم بوائے کے تیس برس

سپر اسٹار ماریو

ویڈیو گیمز میں سب سے مقبول ترین کردار سپر ماریو ہے۔ جاپانی ویڈیو گیم انڈسٹری میں اس کردار نے ایک اہم جگہ بنا لی تھی۔ سپر ماریو نے اس گیم کے دوران دشمنوں کا مقابلہ کرتے ہوئے شہزادی ڈیزی کا بچانا ہوتا تھا۔

گیم بوائے کے تیس برس

پیکا چو! پیکا چو!

سن 1996 میں نینیٹینڈو نے ’پاکٹ مونسٹر‘ پوکی مان نامی ایک انتہائی دلچسپ کردار کے ساتھ ایک نئی گیم متعارف کرائی۔ یہ گیم بھی بہت زیادہ مقبول ہوئی۔ اس گیم کے پریمیئر کے دو دہائیوں بعد پیکا چو اینڈ کو کی شاندار واپسی ہوئی۔ پوکی مان گو نامی گیم اب سمارٹ فونز پر بھی کھیلی جا سکتی ہے۔

گیم بوائے کے تیس برس

آسان مگر انتہائی شاندار

گیم بوائے کی سکرین کوالٹی زیادہ اچھی نہ تھی جبکہ دوسری طرف اٹاری کی Lynx اور سیگا کی Game Gear جیسی ویڈیو گیمز کی کوالٹی انتہائی عمدہ تھی۔ پھر بھی کم قیمت اور بیٹری کی لمبی عمر کے علاوہ آسان کنٹرول اور دلچسپ گیمز کی وجہ سے گیم بوائے کا مقابلہ کوئی نہ کر سکا۔

گیم بوائے کے تیس برس

گیم بوائے کی پانچ جنریشنز

گزشتہ تیس برسوں سے گیم بوائے ماڈل کی تمام گیمز نینیٹینڈو ہی تیار کر رہا ہے۔ اس تصویر میں گیم بوائے کنسول کے مختلف ماڈلز دیکھے جا سکتے ہیں، جو بہت مقبول بھی ہیں۔

گیم بوائے کے تیس برس

گیم بوائے آج بھی ایک جنون

گیم بوائے آج بھی انتہائی مقبول ویڈیو گیم ہے۔ دو سال قبل بیلجیم کے الہان اُونال نے دنیا کے سے سے بڑے گیم بوائے کنسول کو بنانے کا اعزاز حاصل کیا۔ اس پر ان کا نام گینیز بک آف ریکارڈز میں بھی شامل کیا گیا۔ ایک میٹر اونچے اس کنسول کا کنٹرول ویسا ہی ہے، جیسا کہ چھوٹے کنسولز کا ہوتا ہے۔ تاہم اس کے بٹن دبانا تھکا دیتا ہے۔

Facebook DW Women
ڈوئچے ویلے کا نیا فیس بک چینل ’ڈی ڈبلیو ویمن‘
Now live
04:00 منٹ
سیاست | 22.04.2019

ڈی ڈبلیو سے تازہ ترین عالمی خبریں

ہمیں فالو کیجیے

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو