فن لینڈ میں کراٹے کی عالمی چیمپئین شپ میں پاکستان کی شرکت

اس چیمپئین شپ میں پاکستانی کھلاڑی کل گیارہ شعبوں میں سے صرف چار طرح کے مقابلوں میں شرکت کریں گے ، لیکن انہیں توقع ہے کہ وہ فن لینڈ میں اچھی کارکردگی کا مظاہرہ کرتے ہوئے پاکستان کے لئے کوئی نہ کوئی پوزیشن حاصل کرنے میں کامیاب رہیں گے۔ اس کھیل میں پاکستان کا شمار جنوبی ایشیا اور ایشیائی سطح پراچھی ٹیموں میں ہوتا ہے۔

Tampere روانہ ہونے سے پہلے چار رکنی پاکستانی ٹیم کے ارکان نے واضح طور پر یہ شکائت بھی کی کہ پاکستان میں کراٹے کے کھیل کی صحیح قدر نہیں کی جاتی ، سرپرستی کا فقدان ہے، کھلاڑیوں کو طرح طرح کی مشکلات کا سامنا رہتا ہے اور کراٹے فیڈریشن کے پاس وسائل کی شدید کمی ہے جو اگر پوری ہو جائے تو پاکستانی کھلاڑی بین الاقوامی سطح کے مقابلوں میں اور بھی بہتر کارکردگی کا مظاہرہ کرسکتے ہیں۔