ممبئی میں شدید بارش، شہری نظام درہم برہم

ممبئی میں بارش تھمنے کے بعد پبلک ٹرانسپورٹ کے علاوہ ریل سروس اور پروازیں بحال ہو گئی ہیں۔

بھارت کے اقتصادی شہر ممبئی میں طوفانی بارش نے ہزاروں افراد کو متاثر کیا جبکہ کئی گھنٹے تک سڑکوں پر ٹریفک جام رہی۔

انتیس اگست کو ممبئی میں ہلکی بارش ریکارڈ کی گئی۔ محکمہء موسمیات کے مطابق تیس اگست کے دن بارش متوقع ہے۔ تاہم علاقائی محکمہء موسمیات کے سربراہ کے مطابق اب شدید اور طوفانی بارش کا خطرہ ٹل گیا ہے۔

ممبئی میں سن 2005ء بارش کی تباہ ی کاری کے نتیجے میں تین بچوں سمیت چار افراد ہلاک ہوئے ہیں۔ جولائی 2005 ء کے بعد ممبئی میں یہ سب سے زیادہ خطرناک بارش ثابت ہوئی ہے۔ سن 2005 میں بارشوں اور سیلاب کے باعث ہونے والی تباہی کی وجہ سے ایک ہزار افراد ہلاک ہو گئے تھے۔

بھارت میں برسات کا موسم جون سے سمتبر تک جاری رہتا ہے۔ اس سال ممبئی میں برسات کے موسم میں رونما ہونے والے متعدد حادثات کے باعث اب تک تیرہ سو افراد ہلاک ہو چکے ہیں۔