برطانوی وزیر اعظم ٹریزا مے نے کہا ہے کہ لندن میں واقع گرین فیل ٹاور میں آتشزدگی کی وجوہات جاننے کے لیے جامع تحقیقات کی جانا چاہییں۔ اس عمارت میں آتشزدگی کی وجہ سے سترہ افراد ہلاک جبکہ متعدد زخمی ہوئے ہیں۔ پولیس کے بقول ابھی تک کئی افراد لاپتہ بھی ہیں، جن کی تلاش کا کام جاری ہے۔ مے نے کہا ہے کہ وہ اس حادثے کی مکمل پبلک انکوائری چاہتی ہیں تاکہ مستقبل میں ایسے حادثات سے بچنے میں مدد مل سکے۔