ننھے روبوٹس کی مدد سے پھنسے افراد کی تلاش

یہ چھوٹے روبوٹس زمین پر رینگنے والے ایک ایسے کیڑے کی طرح کے ہیں، جس کا خول انتہائی سخت ہوتا ہے۔ یہ سائز میں ہتھیلی کے برابر ہیں۔اس کے علاوہ یہ سوراخوں یا دراڑوں سے بھی گزر سکتے ہیں۔

کیا اس طرح کے روبوٹس کا لال بیگ سے مقابلہ کیا جا سکتا ہے؟ شاید نہیں کیونکہ لال بیگ مطابقت پیدا کرنے کی صلاحیت سے مالا مال ہوتا ہے۔ وہ انتہائی صورتحال برداشت کر سکتا ہے اور اس کا جسم بہت ہی لچک دار ہوتا ہے۔ تاہم یہ یقینی طور پر کہا جا سکتا ہے کہ اتنے باریک سوراخ سے صرف کاکروچ ہی گزر سکتا ہے۔

ٹوکیو یونیورسٹی کے محققین نے اس حوالے سے ایک بہتر تصور پیش کیا ہے اور وہ یہ کہ کیوں نہ ایک اصلی لال بیگ پر ریموٹ کنٹرول والا ایک مائیکرو پروسیسر اور کیمرہ نصب کر دیا جائے۔ کاکروچ کے دماغ کے الیکٹروڈ کی مدد سے اس کی حرکت کو قابو میں رکھا جا سکے گا۔

ابھی تک کسی قدرتی آفت یعنی زلزلہ کی صورت میں مائیکرو کیٹروں کی جگہ ایسی بڑے روبوٹس کی مدد لی جاتی ہے۔ مکڑی نما اس روبوٹ کو کسی عمارت کے انہدام کی صورت میں ملبہ ہٹانے اور متاثرین کی تلاش میں استعمال کیا جاتا ہے۔

پولیس اور فائر بریگیڈ کے پاس جاسوسی اور دشمن کی حرکات پر نظر رکھنے کے لیے بھی روبوٹس ہوتے ہیں۔ ان روبوٹس کو زیادہ سے زیادہ مضبوط اور سائز میں چھوٹے سے چھوٹا بنانے کی کوشش کی جاتی ہے۔ ایسے روبوٹس کو 2015ء کے آخر سے انسداد دہشت گردی کی کارروائیوں میں استعمال کیا جا رہا ہے۔

یہ چھوٹے سے روبوٹ صرف جاسوسی کے کام آتے ہیں۔ یہ بہت آسانی اور خاموشی کے ساتھ میزوں اور کرسیوں کے نیچے حرکت کر سکتے ہیں۔ اگر یہ کسی وجہ سے گر جائیں یا الٹ جائیں تو ان میں خود کو دوبارہ سے سیدھا کرنے کی صلاحیت بھی موجود ہے۔

یہ روبوٹس اُس جگہ پر آگ بجھانے کے کام آتے ہیں، جہاں فائر بریگیڈ کا عملہ پہنچ نہیں پاتا۔ اس کام کے لیے اسے بڑی طاقت اور مضبوطی کی ضرورت ہوتی ہے۔ تاہم یہ کسی بند دروازے کو توڑ کر آگے نہیں جا سکتے۔

کسی حادثے کی صورت میں ریسکیو ٹیموں کو وقت کی اہمیت کا بخوبی اندازہ ہوتا ہے اور وہ اسے ضائع کرنے کی متحمل نہیں ہو سکتیں۔ انسانی جان کو بچانے کے لیے قابل اعتماد ٹیکنالوجی کی ضرورت ہوتی ہے۔ اس آلے کی مدد سے دیوار کی دوسری جانب کے منظر کا پتا لگایا جا سکتا ہے۔

یہ تیز رفتار، قابل اعتماد اور مشکل حالات میں بھی کام کرنے کے قابل ہوتے ہیں۔ سراغ رساں کتوں کی طرح کوئی بھی روبوٹ کام نہیں کر سکتا۔ یہ کتے انتہائی دشوار گزار علاقوں اور ناہموار زمینی سطوں پر بھی کام کر سکتے ہیں۔