نواز شریف کا دَس ستمبر کو پاکستان واپسی کا فیصلہ

نواز شریف کا یہ اعلان ایک ایسے وقت سامنے آیا ہے، جب صدر مشرف کو ایک اور سابق وزیر اعظم بے نظیر بھٹو کی جانب سے دباؤ کا سامنا ہے۔ بے نظیر بھٹو کا اصرار ہے کہ مشرف کو اگلے پانچ برسوں کے لئے بھی ملک کا صدر تبھی منتخب کیا جا سکتا ہے، جب وہ چیف آف دا آرمی سٹاف کا عہدہ چھوڑ دیں۔

57 سالہ نواز شریف نے، جو پہلی مرتبہ 1990 ء تا 1993ء اور پھر 1997ء تا 1999ء ملک کے وزیر اعظم رہے، کہا کہ مشرف اور بھٹو کے درمیان مجوزہ ڈِیل ملک کے لئے خراب اور قابلِ افسوس ہے۔ شریف کے مطابق مشرف کے جانے کا وقت آ گیا ہے اور کسی کو بھی اپنے ذاتی مفادات کے لئے مشرف کے ڈوبتے ہوئے جہاز کو سہارا نہیں دینا چاہیے۔