پاکستان میں خود کشیوں میں اضافہ

پاکستان میں آئے دن غربت اور بے روز گاری سے تنگ آئے ہوئے افراد کے حوالے سے کوئی نہ کوئی خبر شائع ہوتی رہتی ہے۔ گزشتہ برس ایک شخص غربت سے تنگ آکر اپنے دو بیٹوں کو فروخت کرنے چل پڑا تھا ۔ تو اب مہنگائی سے تنگ آکر لاہور کی بشری بی بی نے اپنے دو بچوں سمیت خود کشی کر لی۔ ان واقعات سے صدر مشرف کے ان دعووں کی قلعی کھل گئی کہ جس میں کہا گیا تھا کہ پاکستان میں وہ غریب میں دس فی صد کی کمی ہو گئی ہے۔ پاکستانی وزیر اعظم یوسف رضا گیلانی نے ان واقعات کا نوٹس لیتے ہوئے کہا ہے کہ حکومت کے لئے اس قسم کے واقعات انتہائی تکلیف دہ اور پریشانی کا باعث ہیں۔ انہوں نے کہا کہ حکومت ایسے اقدام اٹھائے گی کہ جس میں لوگ بے روز گاری اور غربت سے تنگ آ کر خود کشی کرنے پر مجبور نہ ہوں اور غریب خاندانوں کی بھرپور معاونت کی جائے گی۔