ہیمبرگ نے مانچسٹر سٹی کے ہوش اڑائے

اگرچہ مانچسٹر سٹی نے کھیل کے پہلے ہی منٹ میں ہیمبرگ کے خلاف گول سکور کیا تاہم ہیمبرگ نے زبردست واپسی کرتے ہوئے میچ اپنے نام کرلیا۔

چیمپیئنز لیگ میں جرمنی کے لئے ایک اور اچھی خبر ویرڈر بریمین کی ٹیم کی جیت بھی رہی۔ اگرچہ چیمپیئنز لیگ میں جمعرات کا دن جرمنی کے لئے خوشخبری کا دن ثابت ہوا تاہم بدھ کا دن جرمنی کے لئے انتہائی خراب ثابت ہوا کیوں کہ بارسیلونا کی فٹ بال ٹیم نے بائرن میونخ کو فرسٹ لیگ کوارٹر فائنلز کے دونوں ہالفز میں پریشان کرکے میچ صفر کے مقابلے میں چار گولز سے جیت لیا تھا۔

بارسیلونا کی فٹ بال ٹیم نے بائرن میونخ کے خلاف میچ صفر کے مقابلے میں چار گول سے اپنے نام کرلیا تھا۔

بارسیلونا نے پورے نوے منٹ تک جارحانہ کھیل کا مظاہرہ کیا اور بائرن میونخ کے دفاع کو بار بار مات دی۔کھیل کے پہلے ہی ہالف میں ایف سی بارسیلونا نے ایف سی بائرن میونخ کے خلاف چار گول داغے۔ میونخ کی ٹیم کھیل ختم ہونے تک بھی کوئی گول نہیں کرسکی۔

اسپین کے شہر بارسیلونا میں ایف سی بارسیلونا کی ٹیم پوری طرح چھائی رہی اور میچ کے آغاز سے انجام تک ایسا بالکل واضح تھا کہ میچ کون سی ٹیم جیت رہی ہے۔

بائرن میونخ کے کھلاڑی پورے میچ کے دوران بے بس اور لاچار نظر آئے اور ان کے پاس بارسیولنا کے جارحانہ اور ہنر سے بھرپور کھیل کا کوئی جواب نہیں تھا۔

چیمپیئنز لیگ کے دوسرے میچ میں چیلسی نے لیورپول کو ایک کے مقابلے میں تین گول سے شکست دی۔