برِاعظم افریقہ میں تقریباﹰ دو ہزار چینی کمپنیاں کاروبار کر رہی ہیں۔ ان کمپنیوں کو خاص طور پر خام مال میں زیادہ دلچسپی ہے۔ چینی مصنوعات کے لیے افریقہ ایک بڑی منڈی بھی ثابت ہو رہی ہے۔ چینی مصنوعات کو افریقی منڈیوں تک پہنچانے کے لیے بنیادی ڈھانچہ تعمیر کیا جارہا ہے، جس میں ریلوے نیٹ ورک اور سڑکوں کی تعمیر شامل ہے۔ تاہم چند افریقی مزدور یونینوں کی رائے میں مقامی مزدور استحصال کا شکار ہیں۔