امريکی صدر کا خواب: واشنگٹن کی سڑکوں پر عسکری قوت کا مظاہرہ

امريکی محکمہ دفاع پينٹاگون نے ايک اعلاميے کے ذريعے مطلع کيا ہے کہ اس سال گيارہ نومبر کو دارالحکومت واشنگٹن ميں ايک بڑی عسکری پريڈ منقعد ہو گی۔ پينٹاگون کی جانب سے يہ اعلاميہ جمعے کی شب جاری کيا گيا، جو ہفتے کو ذرائع ابلاغ پر توجہ کا مرکز بنا۔ امريکی محکمہ دفاع کے مطابق يہ پريڈ امريکی تاريخ ميں سن 1882 کی جنگ سے لے کر موجودہ دور کی جنگوں تک ميں اپنی خدمات انجام دينے والے فوجی افسران کی خدمات کو سراہنے اور انہيں خراج تحسين پيش کرنے کے ليے منعقد کی جا رہی ہے۔

يہ امر اہم ہے کہ ڈونلڈ ٹرمپ صدارت کا عہدہ سنبھالنے کے بعد سے کئی مرتبہ اپنے ملک ميں اس طرز کی فوجی پريڈ کے انعقاد کی خواہش ظاہر کر چکے ہيں۔ وائٹ ہاؤس کی جانب سے اس بارے ميں اعلان پچھلے ماہ ہی کر ديا گيا تھا کہ صدر ٹرمپ نے فرجی پريڈ کے احکامات جاری کر ديے ہيں۔ پريڈ گيارہ نرمبر کو ہو گی، جو امريکا ميں ’ويٹنرز ڈے‘ جبکہ عالمی سطح پر ’رممبرنس ڈے‘ کے نام سے جانا جاتا ہے۔ يہ دن پہلی عالمی جنگ کے خاتمے کی ياد ميں منايا جاتا ہے۔

پيٹاگون کے مطابق اس سال ہونے والی پريڈ ميں صرف پہيوں والی گاڑيوں کو واشنٹگن لايا جائے گا۔ ٹينک اس پريڈ ميں شامل نہيں ہوں گے کيونکہ ان کے وزن سے سڑکيں خراب ہونے کا خدشہ ہے۔ عسکری پريڈ ميں ہوائی جہاز اور بالخصوص ماضی ميں استعمال ہونے والے جہاز بھی حصہ ليں گے۔ پريڈ قريب ڈيڑھ کلوميٹر طويل وائٹ ہاؤس سے کيپيٹول کے مقام تک نکالی جائے گی۔ يہ بھی بتايا گيا ہے کہ ماضی ميں فوج کا حصہ رہنے والے سپاہی اپنے اپنے ادوار کے يونيفارم زيب تن کر کے مارچ ميں شريک ہوں گے۔ اس پريڈ ميں خواتين فوجی اہلکاروں پر بھی توجہ مرکوز کی جائے گی۔

واضح رہے کہ واشنگٹن ميں اس سے قبل اتنے بڑے پيمانے پر فوجی پريڈ سن 1991 کی خليجی جنگ کے خاتمے پر نکالی گئی تھی، جس ميں ميزائلوں، ٹينکوں اور ديگر فوجی ساز و سامان نماياں تھا۔

ع س / ع ب، اے ايف پی