جرمن قومی فٹبال لیگ کے مہنگے ترین کھلاڑی

ناقابل یقین حد تک زیادہ رقم یعنی 41 ملین یورو کے عوض 23 سالہ برازیلی کھلاڑی ہوفن ہائیم کی ٹیم کو چھوڑ کر پریمیئر لیگ میں لیورپول کی ٹیم کے لیے کھیلیں گے۔ پاکستانی روپوں میں یہ رقم چار ارب، 71 کروڑ اور 50 لاکھ کے قریب بنتی ہے۔ اگر رپورٹ کی گئی رقم درست ہوئی تو فرمینو مہنگے ترین کھلاڑی بن جائیں گے۔

اب تک سب سے زیادہ رقم کے عوض ایک کلب چھوڑ کر دوسرے میں جانے کا اعزاز بائرن میونخ کے ہسپانوی کھلاڑی خاوی مارٹینیز کے پاس تھا۔ 2012ء میں بائرن میونخ کی ٹیم نے 40 ملین یورو کے عوض اتھلیکٹک بِلباؤ کلب میں کھیلنے والے مارٹینیز کی خدمات حاصل کی تھیں۔ فرمینو کی لیورپول میں جانے کے لیے معاوضے کی رقم کے بعد مارٹینیز دوسرے مہنگے ترین کھلاڑی بن گئے ہیں۔

2013ء میں بائرن میونخ نے 37 ملین یورو کے عوض بوروسیا ڈورٹمنڈ میں کھیلنے والے معروف کھلاڑی ماریو گوٹزے کی خدمات حاصل کیں۔

قریب اتنی ہی رقم مانچسٹر سِٹی نے 2010-11 میں وولفس بُرگ کی ٹیم میں کھیلنے والے کھلاڑی بوسنیا کے کھلاڑی ایڈن جیکو کے لیے ادا کی۔ اس اسٹرائیکر کھلاڑی نے دونوں ٹیموں کے ساتھ باری باری مقامی لیگ میں فتح حاصل کی۔ انہوں نے بوسنیا کی قومی ٹیم کے لیے کھیلتے ہوئے پہلی بار اس کے ورلڈ کپ ٹورنامنٹ میں پہنچنے میں بھی مدد دی۔

جرمن کلب وولفس بُرگ نے 2015ء کے آغاز میں چیلسی کلب سے اندری شُرلے کی خدمات 32 ملین یوروز میں حاصل کیں۔ تاہم وہ ابھی تک اتنے زیادہ معاوضے کا حق ادا نہیں کر پائے۔

صرف گول اسکور کرنے والے کھلاڑی ہی زیادہ معاوضہ حاصل کرنے والوں میں شامل نہیں ہیں بلکہ 2011ء میں جرمن کلب شالکے کے گول کیپر مانوئل نوئر کی خدمات بائرن میونخ نے 30 ملین یوروز میں حاصل کیں۔ اور یہ بات عیاں ہے کہ نوئر نے اپنے کھیل کی بدولت بائرن میونخ کو فتوحات سے ہمکنار کیا ہے۔

ٹونی کروس برازیل میں کھیلے جانے والے فٹبال ورلڈ کپ میں جرمن ٹیم کے ایک اہم مرکزی کھلاڑی رہے۔ وہ 2014ء میں ہی بائرن میونخ سے 30 ملین یورو کے عوض ریال میڈرڈ میں شامل ہوئے تھے۔ تاہم ریال میڈرڈ کے لیے جو کرسٹیانو رونالڈو جیسے کھلاڑیوں کے لیے 90 ملین یورو تک خرچ کر چکی ہے، یہ رقم اتنی زیادہ نہیں لگتی۔

اس بات کو کچھ سال بیت چکے ہیں مگر ماریو گومیز کی 30 ملین یورو کے عوض اشٹٹ گارٹ سے بائرن میونخ منتقلی اس وقت ایک بڑی خبر تھی۔ بنڈس لیگا میں یہ اب بھی ٹاپ ٹین ٹرانسفرز میں شمار ہوتا ہے۔ جرمن کھلاڑی ماریو گومیز اب اطالوی کلب فیورنٹینا کے لیے کھیلتے ہیں۔