بہت جلد قدرتی آفات کے شکار علاقوں پر ایسے خودکار اڑنے والے روبوٹس دیکھے جاسکیں گے جو امدادی سامان وہاں پہنچانے یا پھر وہاں سے نمونے لانے کا کام انجام دیں گے۔ لیکن روبوٹس کو اشیا برداری کے قابل بنانا اتنا آسان نہیں جتنا محسوس ہوتا ہے، کیونکہ مستقل ہوا میں رہنے کے لیے ڈرونز کو ہر لمحہ اپنے مرکز ثقل کو موزوں بنانا پڑتا ہے۔ ہسپانوی شہر ’سیوِل‘ میں ایک ٹیم اس مسئلے کو حل کرنے پر کام کر رہی ہے۔