Gjermania

A ka sulmi ndaj ekipit të Dortmundit sfond terrorist?

Një javë e gjysmë pas sulmit kundër ekipit të Borussia Dortmund, arrestohet një person i cili dyshohet të ketë kryer këtë sulm. Shkaqet e sulmit - tepër të ulëta.

Deutschland Anschlag auf BVB Bus Festnahme in Rottenburg (imago/7aktuell)

Njësitë speciale në Gjermani e kanë arrestuar 28-vjeçarin Sergej W. nga rrethina e Tübingenit, për të cilin dyshohet se mund të ketë kryer sulmin me mjete shpërthyese ndaj ekipit të Borussia Dortmund, me 11 prill, në prag të ndeshjes së Ligës së Kampionëve në futboll, kundër Monakos. Si pasojë e tri shpërthimeve të ndodhura pranë autobusit me ekipin është plagosur lojtari Marc Bartra dhe një polic.

Vrasje për qëllime përfitimi

Sergej W. nuk është pjesëtar i ndonjë rrjeti terrorist apo grupi ekstremist. Sergej W. ka vepruar nga lakmia për përfitime financiare. Të premten në mëngjes është kumtuar se ka të dhëna të forta 

Deutschland Explosionen an BVB-Bus (picture-alliance/dpa/M. Kusch)

se Sergej W. e ka planifikuar dhe kryer këtë sulm me qëllim përfitimi financiar. Ai kishte planifikuar të vrasë sa më shumë lojtarë të Dortmundit dhe që në këtë mënyrë të bien në bursë vlerat e aksioneve të këtij klubi. Ai më parë kishte vënë bast se do të bierë vlera e aksioneve të këtij klubi dhe kishte blerë opsione, që i mundësonin një fitimin me miliona euro. Sergej kishte marrë madje edhe kredi për të blerë opsionet, të cilat ia mundësojnë përfitime në bursë.

Dhoma me shikim drejt vendi të ngjarjes

Sergej W. ishte vendosur në hotelin ku ishte edhe ekipi i Dortmundit para ndeshjes me Monakon. Me rastin e rezervimit, ai kishte insistuar që dhoma e tij të ketë shikimin drejt vendit ku është kryer sulmi më 11.4. në pra 19:15 h. Dyshohet se ai mund t'i ketë aktivizuar tri lëndët shpërthyese nga dhoma e tij. Për të humbur gjurmët, në afërsi të vendit të ngjarjes janë lënë edhe tri letra me përbërje të ndryshme. Ideja ishte që policia të hetonte në drejtim të gabuar për sfond terrorist apo ekstremist. Por hetuesit prej fillimit dyshuan për përmbajtjen e letrave. Sergej W. është përcjellë tërë kohën në shtatë ditët e kaluara, deri në arrestim. Ai ishte nën hetime pas lajmërimit të bankave për kredinë dhe pagesat e opsioneve, të cilat do të mund t'i sillnin përfitime në vlerë prej milionash, në rast se binin aksionet e Borussia Dortmundit.

bc/nk(AFP, dpa)

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو