1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

Afër Shkupit gjenden pesë meshkuj të vrarë

13 Prill 2012

Në kryeqytetin e Maqedonisë, Shkup janë vrarë pesë meshkuj. Bëhet fjalë për katër nxënës të moshës rreth 20 vjeç dhe një burrë të moshës 45 vjeç, konfirmoi policia sot

https://p.dw.com/p/14ddP
Fotografi: DW/P. Stojanovski

Policia tha se i duhet të identifikojë viktimat dhe dorasit dhe se nuk e di se cili mund të jetë motivi i krimit.

"Në vendin e ngjarjes ne gjetëm gëzhoja, çurgje gjaku dhe të gjithë trupat kanë plagë të dukshme me armë zjarri," bëri të ditur ministria e Brendshme.

Një peshkatar i gjeti trupat në një hambar pranë liqenit në afërsi të fshatit Smiljkovsi, pranë Shkupit, të enjten në mbrëmje.

Fshatarët bllokojnë autostradën dhe kërkojnë hetim të shpejtë
Fshatarët bllokojnë autostradën dhe kërkojnë hetim të shpejtëFotografi: DW/P. Stojanovski

Qindra vetë të fshatit u mblodhën për të kërkuar hetim të shpejtë, duke goditur me gurë automjetet që kalonin në rrugë. Autoritetet u përgjigjën duke dislokuar trupa policore.

Policia nuk e bëri të ditur identitetin e viktimave, por nuk përjashtohet mundësia që vrasjet të kenë të bëjnë me rritjen e tensioneve etnike në vend.

Ministria e Punëve të Brendshme në Shkup ka apeluar për qetësi dhe vetëpërmbajtje. Ajo u ka kërkuar të gjithë qytetarëve që çdo lloj informacioni lidhur me rastin, ta paraqesin atë në polici.

Autor: dpa / Reuters / Auron Dodi

Redaktoi: Esat Ahmeti