1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

Basketbollistët gjermanë mundën Serbinë - Bajeri i Leverkuzenit pësoi humbje të thellë

30 Gusht 2010

Basketbollistët gjermanë befasuan simpatizant/t e vet për të mirë, ndërsa Bajeri dhe Shtutgarti për te keq.

https://p.dw.com/p/OzIi
Kapiteni i Serbisë Nenad Krstic, pas rrahjes me Greqinë nuk mundi t'a ndihmojë ekipin e vet në lojën kundër GjermanisëFotografi: AP

Në Kampionatin e 16-të Botëror të basketbollit për meshkuj, që po zhvillohet në Turqi, ekipi i Gjermanisë ka shënuar një befasi të këndëshme për tifozët e vet. Kombëtarja gjermane mundi nënkampionen e Evropës, ekipin e Serbisë me rezultat 82:81. Gjermanët fituan pas dy vazhdimeve, ndërsa për Serbinë ishte kjo humbja e dytë në dy ndeshjet e para të kualifikimeve në grupe. Siç edhe pritej, ekipi i SHBA-së fitoi bindshëm ndaj Sllovenisë me rezultat 99:77, ndërsa Turqia mundi Rusinë 65:56. Në ndeshjen e radhës ekipi gjerman do të ketë përballë ekipin e Australisë.

Deutschland Fussball Michael Ballack Bayer Leverkusen
Nuk ndihmoi as Michael BallackFotografi: picture-alliance/dpa

Ndërsa në ndeshjet e javës së dytë të bundesligës gjermane në futboll, ditën e dielë, Bajeri i Leverkuzenit ka pësuar një humbje të thellë në fushën e tij nga Borusia e Mënhengladbahut 3:6. Është kjo hera e parë që Bajeri pëson gjashtë gola në fushën e vet në një ndeshje na kampionatin gjerman. Gjithashtu një humbje bindëse në fushën e tij ka pësuar edhe Shtutgarti nga Borusia e Dortmundit me rezultat 1:3.

Tabelën e klasifikimit e udhëheqin Kaiezerslauterni (i cili në fushën e vet të premten mundi Bajernin e Mynihut) dhe Hofenhajmi me nga gjashtë pikë. Ndërsa në fud të tabelës janë Shtutgarti dhe Këlni të cilët në dy ndeshjet e para nuk kanë fituar asnjë pikë.

Autor: Mimoza CikaKelmendi

Redaktoi: Bahri Cani