BE në konflikt me Hungarinë

Komisioni Evropian padit Hungarinë në dy raste, por i premton vendit megjithatë mbështetje financiare. Komisionerja e drejtësisë e BE-së, Viviane Reding, tha: "Ne kemi parë se për shkak të presionit nga ana e Komisionit Evropian janë korigjuar shumë mangësi, por është kjo nuk është ende e mjaftueshme."

Reformat në gjyqësor ende të pamjaftueshme

Qeveria hungareze e kryeministrit Viktor Orban dëshiron të reduktojë moshën e daljes në pension të gjyqtarëve nga 70 në 62. Komisioni beson se qeveria dëshiron të largojë në këtë mënyrë gjyqtarët e padëshiruar nga puna.

"Dhe që fjala nuk është vetëm për gjëra të vogla, e tregon fakti që Hungaria ka ndërmend të pushojë nga sot me nesër mbi 274 gjyqtarë. Këto janë 10 për qind e gjyqtarëve  hungarezë dhe kjo nuk është në rregull kështu."

Kritika e dytë të Komisionit ka të bëjë me pavarësinë e të ngarkuarit për mbrojtjen e të dhënave. Edhe këtu Komisioni dhe qeveria hungareze kanë negociuar gjatë. Komisioni gjen mangësi, që presidenti mund të shkarkohet lehtësisht dhe prandaj ai nuk është i pavarur.

Por këto dy pika Orban nuk bindet. Prandaj tani Komisioni ankohet përpara Gjykatës Evropiane të Drejtësisë. Arsyeja: shkelja e marrëveshjeve ekzistuese të BE-së dhe të Kartës së të Drejtave Themelore të Bashkimit Evropian. Brukseli druhet se Orban dëshiron të forcojë pushtetin e tij. Kryeministri hungarez premtoi se do të ndryshojë menjëherë ligjin, në qoftë kjo kërkohet me një vendim të Gjykatës. Me sa duket Orban llogarit, që ligjet e tij do t'i rezistojnë provimit.

Hungaria bën lëshime në konfliktin për bankën Qëndrore hungareze

Fjala është për pavarësinë e Bankës Kombëtare të Hungarisë. Prandaj Komisioni ka premtuar tani, t'i vijë në ndihmë Hungari me asistencë financiare. Komisionerja Viviane Reding u shpreh:

"Ne u kemi dhënë një paradhënie në besim si të thuash dhe tani presim, po fillojnë negociatat financiare me Hungarinë, por këto do t'i plotësojmë vetëm, kur premtimet e hungarezëve të pasqyrohen edhe në ligjin hungarez."

Në grindjen për Bankën Kombëtare u bë fjalë së fundi për pagat e presidentit të Bankës Kombëtare, që mund të ndryshohen gjatë mandatit të tij. Zëvendësshefja e Komisionit Reding e kundërshtoi kritikën, se Komisioni po vepron me rreptësi kundër një vendi të vogël anëtar dhe kursen vendet e mëdha anëtare. "Unë e kam nxjerrë edhe Luksemburgun para gjykatësit." Komisionerja me këto fjalë donte të theksonte, se ajo nuk ndalet as para vendlindjes së saj

Autor: Christoph Prëssl/Angjelina Verbica