Fidel Kastro kandidon në zgjedhjet e ardhshme në Kubë

Edhe pse në gjendje të sëmurë, kryetari i shtetit dhe partisë në Kubë, Fidel Kastro, ka hedhur kandidaturën për zgjedhjet parlamentare të 20 janarit. Selektimi i tij është bërë në Santiago të Kubës, 900 km larg nga kryeqyteti i vendit, Havana. Nëse do të fitojë, Kastro do të bëhet deputet, gjë që do t`i japë atij shancin për tu rikthyer edhe një herë në krye të vendit. Për shkak të një operacioni të rëndë, Fidel Kastro ja kaloi pushtetin të vëllait më të ri, Raul kastros. Kastro nuk shihet më në publik prej kohësh.