Jep dorëheqjen zevëndëskancelari i Gjermanisë, Franz Myntefering

Zevëndëskancelari i Gjermanisë dhe ministri i punës, Franz Myntefering, për arsye familjare ka dhënë dorëheqjen. Këtë e konfirmoi për mediat zedhenesi i tij. Bashkëshortja e Mynteferingut është e sëmurë prej vitesh nga kanceri. Pas një operacioni të gruas së tij, politikani i socialdemokratëve anulloi javën e kaluar shumë takime. Gjatë ditës sot pritet edhe deklarata personale e tij. Pasardhës i tij në postin e ministrit të punës do të jetë sekretari i përgjithshëm i grupit parlamentar të socialdemokratëve Olaf Scholz. Ministri i jashtëm Frank-Walter Steinmeier diskutohet si zëvendëskancelari i ardhshëm.