Kompromisi për heqjen e barrikadave në veri të Kosovës nuk mori sot mbështetjen e serbëve

Kryetarët serbë të katër komunave në Veri të Kosovës bënë të ditur të martën pas një takimi, se ata kanë nevojë për më shumë kohë për vendimin e tyre.

Pas presionit masiv nga Beogradi, serbët e Kosovës lanë të hënën të kuptohet se do të japin mbështetjen e tyre për marrëveshjen për heqjen e barrikadave në rrugë, të arritur me ndërmjetësimin e KFOR-it. Megjithatë, minoriteti serb vazhdon të mos e japë miratimin e tij. Katër kryetarët e komunave deklaruan sot se çdo komunë duhet të vendosë më vete për qendrimin që do të mbajë ndaj marrëveshjes. Se kur do të ndodhë kjo, nuk u bë e ditr. Me këtë, hë për hë barrikadat në rrugë do të mbeten.

Autor: Auron Dodi

Redaktoi: Aida Cama