Më shumë evropianë mes kardinalëve

Njohës të Kishës Katolike flasin prej vitesh për tendenca të Kishës universale. Si dëshmi për këtë ata sjellin numrin e katolikëve në Amerikën Latine i cili është gjithnjë në rritje, ndërkohë që në Evropë e cila kritikohet si e dobët në çështjet e besimit, numri i katolikëve është gjithnjë në rënie. Por këto ndryshime nuk pasqyrohen në rrethin e kardinalëve.

Kardinalët nuk janë vetëm njerëzit me postin më të rëndësishëm në Kishën katolike pas Papës, por edhe këshilltarët e tij më të rëndësishëm. Përveç kësaj, ata krijojnë rrethin e atyre që organizojnë zgjedhjen e Papës dhe zgjedhjen në fund të kreut të kishës. Benedikt XVI. pranoi të shtunën (18.2.2012) 22 peshkopë të rinj në rrethin e kardinalëve. Megjithatë katër prej tyre janë më të moshuar se 80 vjeç, kështu që nuk mund të marrin pjesë në zgjedhjen e Papës.

Dominancë evropiane

Si rezultat pjesa e evropianëve mes kardinalëve që lejohen të zgjedhin Papën, është më e madhja prej dekadash, me 67 nga 125. Gati një në katër prej tyre janë italianë. Shumë ekspertë prisnin në fakt që roli tradicionalisht i madh i italianëve në Kolegiumin e kardinalëve dhe në Curia, aparatin e Vatikanit, të binte. Por duket se po ndodh e kundërta.

Edhe nëse kolegiumi i kardinalëve nuk është instancë reprezentative, përbërja e tij nuk pasqyron ndryshimet në katolicizmin botëror gjatë dekadave të kaluara. Një në katër katolikë të botës, jeton në Evropë. Kurse gjysma e gjithë katolikëve janë amerikane- kryesisht amerikano-latinë. Gati gjysma e 1,2 miliardë katolikëve flasin portugalisht, ose spanjisht.

Amerika Latine prezantohet pak

Por, pikërisht shtetet në të cila katolicizmi lulëzon janë të paprezantuar në rrethin e zgjedhësve të Papës.

Brazili do të ketë në të ardhmen gjashtë kardinalë nën moshën 80 vjeçare dhe Meksika katër. Nëse aktualisht do të zgjidhej një papë i ri, atëherë vetëm 22 kardinalë do të ishin nga Amerika Latine.

Nëse hedh një vështrim mbi kardinalët evropianë, atëherë vëren se pas Italisë është Gjermania vendi më i shpeshtë i origjinës. Tani Papa do i veshë dy kardinalëve të tjerë rrobat e kuqe. Në këtë mënyrë rritet numri i kardinalëve gjermanë në nëntë, një shifër që nuk ka qenë kurrë kaq e madhe. Superlavita tjetër është se peshkopi aktual i Berlinit, Rainer Maria Woelki do të jetë me 55 vjeçët e tij kardinali më i ri.

Autor: Christoph Strack/ Aida Cama

Redaktoi: E. Xhani