1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

280109 DFB-Pokal Zusammenfassung

Tobias Oelmaier29 Janar 2009

Loja vendimtare e raundit të çerekfinaleve u zhvillua në stadiumin e Dortmundit. Borussia priste në fushën e saj Werder Bremen-in.

https://p.dw.com/p/Gj9L
Ndeshjet e Kupës së Gjermanisë, Stuttgart - Carl Zeiss Jena, 26 shkurt 2008
Ndeshjet e Kupës së Gjermanisë, Stuttgart - Carl Zeiss Jena, 26 shkurt 2008Fotografi: picture-alliance / dpa

Fillimisht u duk sikur ekipi i cili ka luajtur dobët muajt e fundit mund të dominonte lojën. Alexander Frei, sulmuesi i kombëtares së Zvicrës realizoi pas vetëm 11 minutash lojë golin që e nxorri Borussia-n në kryesim. Por ekipi i trainerit Jürgen Klopp nuk arriti të bënte lojën e duhur: "Nuk i shfrytëzuam shanset tona që i krijuam me mjeshtëri. Ky është një problem. Ne patëm më shumë shanse, por Bremeni fitoi pasi mori më shumë pjesë në lojë, një fitore e merituar. Por zhgënjimi ynë është i madh", - shprehet traineri i Borussia-s, Jürgen Klopp për rezultatin 1:2 në favor të kundërshtarit.


E papritura e parë në çerekfinale ishte ekipi Wehen-Wiesbaden i kategorisë së dytë, i cili mundi 1:0 Karlsruhe -n nga kategoria e parë.


Golin vendimtar për Wehen-Wiesbaden e shënoi sulmuesi Ronny König në minutën e 73-të, duke përfituar nga një gabim i rëndë në mbrojtjen e Karlsruhe-s.


Disa nga rezultatet e tjera të ditës së mërkurë janë:


Wolfsburg - Rostock 5 :1

dhe Leverkusen - Cottbus 3 :1.