Nuk ka ende asnjë marrëveshje mbi sanksionet kundër Iranit

Në konfliktin mbi programin bërthamor të Iranit pesë fuqitë me të drejtë vetoje në Kombet e Bashkuara dhe Gjermania synojnë vendosjen e sanksioneve më të forta vetëm nëse udhëheqja iraniane nuk do të ishte në gjendje të zhdukte shqetësimet mbi programin e saj nuklear. Përfaqësues të të gjashtë vendeve ranë dakort në Londër të presin raportet e të ngarkuarit të BE-së për politikën e jashtme Havier Solana. Nëse prej tyre nuk do të krijohen përshtypje pozitive do të mbahet sërisht një takim në 19 nëntor për të hedhur në letër projektin për një rezolutë të tretë të OKB-së me sanksione më të forta. SHBA shprehën zhgënjim për rezultatin. Irani i ka kundërshtuar dy rezolutat e deritanishme të OKB-së për ndërprerjen e programit bërthamor. Vendet perëndimore druhen se nën petkun e një programi nuklear civil Irani po ndërton armë bërthamore.