Paraqitet plani i betejёs

Ishte manovra mё voluminoze qysh prej marrjes sё detyrёs nga ministrja e Mbrojtjes pёrpara dhjetё muajsh. Njёsia speciale e Ursula von der Leyen-it vinte nga jashtё dhe kishte njё mandat jashtёzakonisht delikat: ajo duhej tё merrte nёn lupё projekte tё kushtueshme e pjesёrisht tё diskutueshme pёr armatimet. Kompania civile drejtohej nga shoqёria e kontrollit ekonomik KPMG. Sinjali pёr fillimin e punёs u dha nё fund tё qershorit, ndёrsa tani iu dha fund betejёs sё jashtёzakonshme nё tryezёn e punёs dhe nё zyrat e dikasterit. Rezultati: njё strategji pёr pajisjen e Bundeswehr-it (ushtria gjermane) tё sё nesёrmes. Kjo ushtri ka kohё qё konsiderohet si e aftё pёr mision dhe mbrojtje vetёm me kusht.

Ndёrsa tani ministrja ndihet e armatosur mirё. Studimi i prezantuar tё hёnёn (06.10) nё Berlin ёshtё „njё bazё e mirё“ me „udhёzime tё vlefshme“, u deklarua. Nёntё ekspertiza janё pёrpiluar gjatё punёs sё zellshme, sё cilёs iu pёrkushtuan 30 ekspertё. Studimi evidenton pikat e „dobёta“, si rrjedhojё ministrja von der Leyen pёrballet me „njё detyrё tё vёshtirё menaxhimi“. Sa u pёrket financave, sipas saj, kemi tё bёjmё me „nevojat financiare pёr veprim“ nё vlerёn e 57 miliardё eurove. Kjo shumё i pёrgjigjet dy tё tretave tё volumit tё pёrgjithshёm tё investimeve tё Bundeswehr-it, saktёsoi ministrja kristiandemokrate. Tё prekura janё tё gjitha forcat e armatosura nё shёrbim, pra ushtria, aviacioni dhe marina.

Von der Leyen premton mё shumё transparencё

Tani e di se ku janё avantazhet, por edhe problemet, tha von der Leyen. Nё fakt ajo e dinte kёtё qysh mё parё. Sepse vёshtirёsitё p.sh. me avionёt e transportit "Transall" tё vjetёruar, apo me avionёt luftarakё "Eurofighter" janё tё njohura prej kohёsh. Por tani lista e gjatё e mangёsive ёshtё konfirmuar zyrtarisht. Tashmё ka kaluar koha e preteksteve. Ministrja e Mbrojtjes mund tё dalё nё ofensivё me njё plan beteje. Bundeswehr-i duhet tё pёrgatitet pёr „kohё vёrtetё jo komode“. Por apeli i von der Leyen-it vlen edhe pёr industrinё, qё ёshtё pjesё e mangёsive nё armatime. Si ekzemplar ekspertёt e mbrojtjes pёrmendin koncernin Airbus, qё ёshtё i vonuar prej vitesh me furnizimin e avionit transportues A400M.

Sipas studimit asnjё nga projektet e analizuara nuk ecёn pa probleme. Ato janё vonuar nga dy deri nё dhjetё vjet dhe pjesёrisht kanё kushtuar mё shumё se disa milliarda euro. E nevojshme ёshtё njё kulturё drejtimi, mendojnё ekspertёt e angazhuar nga ministrja nё sfondin e 140 problemeve tё evidentuara dhe rreziqeve nё pajisjen me material tё qendrueshёm pёr mbrojtje. Ekspertёt rekomandojnё mё shumё transparencё. Shumё projekte armatimi kanё dalё jashtё kontrollit – qoftё kohor ashtu edhe financiar, sipas ekspertёve. Ky vlerёsim megjithatё ishte publikuar nё faqen zyrtare tё Ministrisё sё Mbrojtjes, pёrpara se raporti t'i dorёzohej drejtueses sё dikasterit.

Shoqata e Bundeswehr-it pret qё kancelarja tё ndёrhyjё

Konform rezultatit ishin edhe reagimet ndaj tij. Ministrja duhet „urgjentisht“ tё kujdeset, qё gjёrat tё rikuperohen nga themeli, bёri thirrje kryetari i ekologjistёve, Cem ëzdemir. Kryetari i Komisionit parlamentar tё Mbrojtjes nё Bundestag, socialdemokrati Hans-Peter Bartels, kёrkoi nga von der Leyen gjatё njё interviste pёr televizionin ARD, qё t'i padisё prodhuesit pёr dёmshpёrblim pёr mangёsitё. Ndёrsa shoqata e Bundeswehr-it pret qё kancelarja kristiandemokrate Angela Merkel tё mbajё qёndrim tё qartё. Kryetari i kёsaj shoqate André Wüstner tha pёr radion "Berlin-Brandenburg", se politika e armatimit nuk bёhet vetёm nё Ministrinё e Mbrojtjes. Ndaj nё trupё presin qё „qeveria nё tёrёsi, e nё radhё tё parё kancelarja, tё merren me financimin e Bundeswehr-it."