Një tuniziane padit policinë
1 Tetor 2012Është hera e hera e parë që një grua padit në Tunizi disa policisë duke i akuzuar se e kanë përdhunuar. Por organet e drejtësisë e kthyen çështjen në anën e kundërt dhe akuzojnë tani 27-vjeçaren dhe të fejuarin e saj.
Në fillim të shtatorit çifti që ndodhej në një makinë në periferi të kryeqytetit të vendit Tunis, qe sulmuar nga tre policë të cilët i kishin arrestuar. Sipas të fejuarit ata u kishin kërkuan të holla, më pas atë e kishin vënë në pranga kurse gruan e kishin përdhunuar pas makinës.
Emna Zahruni, avokatja e gruas tha: "Hetimet u zhvilluan. Ne u befasuam kur morëm vesh se tani po zhvillohen hetime ndaj gruas dhe të fejuarit të saj nën akuzën sjellje e pahijshme në publik "
Sipas avokates në rast se shpallen fajtorë çifti mund të dënohet me gjashtë muaj burg. Emna Zahruni sqaron gjithashtu se pas ardhjes në pushtet të partisë islamike Ennahda në tetor 2011 janë shtuar sulmet e policisë ndaj grave.
Zëdhënësi i Ministrisë së Drejtësisë, Fadel Sayhi thotë se duhet bërë dallim ndërmjet fakteve dhe veprave penale: "Sipas të dhënave të hetimeve gruaja është vërtetë viktimë përdhunimi nga ana e policëve. Por kjo nuk e zvogëlon përgjegjësinë e saj për sjellje të pahijshme në publik. "