Ballkani

Tiranë: Konferenca e Parë rajonale e mësuesve të gjermanishtes nga vendet e Ballkanit Perëndimor

Në Tiranë zhvillohet Konferenca e parë e përbashkët e mësuesve të gjermanishtes nga vendet e Ballkanit Perëndimor

 Albanien Deutschlehrer Konferenz in Tirana (DW/P. Pani)

Virtualisht ata e njohin njëri-tjetrin dhe disa syresh edhe janë takuar në ndonjë konferencë në Gjermani, por për herë të parë takohen fizikisht. Mësues të gjermanishtes nga Serbia, Shqipëria, Kosova, Mali i Zi dhe Maqedonia janë mbledhur në Tiranë në Konferencën e Parë rajonale të Gjermanishtes nga vendet e Ballkanit Perëndimor.

Ambasadorja gjermane në Tiranë Susanne Schütz shprehu në fjalën e saj përshëndetëse gëzimin, që ky takim mbahet në Tiranë. Ajo theksoi se tani Gjermania ka në Ballkan dhe botë gjithnjë e më shumë miq që mësojnë gjuhën gjermane.

 Albanien Deutschlehrer Konferenz in Tirana (DW/P. Pani)

Sulochana Giesler, drejtuese e sektorit të kurseve të gjermanishtes pranë Institutit Goethe në Athinë, tha se planifikohet që kjo nismë e re e konferencës rajonale që nisi në Tiranë do të vazhdojë në vendet e tjera të rajonit.

Qëllimi i këtij aktiviteti që është organizuar në formën e work-shopeve me tema të ndryshme që lidhen me mësimdhënien e gjuhës gjermane, është që të rritet cilësia e mësimit, të krijohen sinergji, të bëhen të njohura prirje të reja për mësimin e gjuhës gjermane si dhe natyrisht të krijohen lidhje dhe rrjete mes mësuesve dhe shoqatave të mësusve të gjermanishtes në vendet e Ballkanit Perëndimor.

Në kuadër të konferencës do të mbahet edhe një panel diskutimi për shanset dhe sfidat e lëvizjeve migratore prej të cilave venet e Ballkanit janë mjaft të prekura.

 

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو