1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An ceto daruruwan bakin haure a tekun Bahar Rum

Mohammad Nasiru AwalApril 15, 2015

'Yan gudun hijira fiye da dubu biyu masu gadin gabar tekun Italiya suka ceto daga tekun Bahar Rum a cikin kwanakin nan.

https://p.dw.com/p/1F923
Italien Corigliano Mittelmeer Gerettete Bootsflüchtlinge Ankunft Hafen
Hoto: picture-alliance/epa/F. Arena

Wasu bakin haure kimanin 480 sun isa tashar ruwan garin Palermo na kasar Italiya a cikin jiragen ruwa guda uku. Mutanen da rahotanni suka ce 'yan asalin kasar Somaliya ne a ranar Talata dakarun tsaron iyakokin ruwan kasar Italiya suka ceto su a kusa da gabar tekun tsibirin Sicily. Da sanyin safiyar wannan Larabar kuma wasu bakin haure fiye da dubu daya da dari daya sun isa a yankin, sannan masu gadin iyakokin ruwan Italiya sun ce a ranar Talata kadai sun ceto karin bakin haure 1500 daga wasu jiragen ruwa marasa inganci. Yawan mutanen da aka ceto a cikin kwanakin nan sun kai dubu 10. Hakan dai na zuwa ne bayan da a ranar Talata wasu bakin haure 400 suka rasu lokacin da suke kokarin kai wa Italiya daga Libya, bayan da jirgin ruwansu ya nitse a tekun Bahar Rum.