SAURARI SHIRYE-SHIRYENMU

KARIN BATUTUWA

Fitattun 'yan wasa a gasar cin kofin duniya ta mata

Lieke Martens ('Yar kasar Holland)

Tauraruwar kasar Netherlands, ta ci gasar kasashen Turai shekaru biyu da suka gabata. Tuni ma Martens daga cikin fitattun 'yan wasa a duniya. 'Yar shekaru 26 da ke yi wa Barcelona wasa, ana yi mata lakabi da kanwar 'Messi' saboda salonta na taka leda. Kwararriya ce matuka wajen sarrafa kwallo da kuma ci. A shekara ta 2017, ta kasance 'yar wasan da hukumar FIFA ta karrama a matsayin zakakura.

Fitattun 'yan wasa a gasar cin kofin duniya ta mata

Christine Sinclair ('Yar kasar Kanada)

Wannan gwana wacce ta fi cin kwallaye, za ta buga wasanta a gasar ne karo na biyar yanzu a Faransa. Duk da kasancewarta mai shekaru 36, har yanzu Sinclair, na da muhimmanci ga kungiyar kwallo ta kasarta. Tun fara wasa a shekarunta na haihuwa 19, sau 282 ta taka leda a wasannin da ta ci wa Kanadar kwallaye har sau 181.

Fitattun 'yan wasa a gasar cin kofin duniya ta mata

Wendie Renard ('Yar Faransa)

Wendie Renard, fitacciya ce a wasan tsakiya, ta kuma ci gasar Lik-Lik na Faransa har sau 13 a jere da kuma gasar zakarun Turai sau shida. Renard har ila yau, ta kware a fannin tsare baya a tsakanin takwarorinta na duniya, a ganin za ta taka rawar gani a kokarin da Fransa ke yi na ganin ta dauki kofin na duniya rukunin na mata ta bana.

Fitattun 'yan wasa a gasar cin kofin duniya ta mata

Lucy Bronze ('Yar Ingila)

Lucy Bronze, daya ce daga cikin fitattun mata 'yan kwallo a duniya, ko tantama babu ita ce babbar 'Yar wasa a kungiyarta a gasar ta Faransa. Bronze, ta karbi lambobin yabo a matakan kungiya lokuta da dama. A gasar shekara ta 2015, ta zo ta uku, kuma ta je wasan kusa karshe a wasannin kasashen Turai a sheakara ta 2017. A bana ta jajirce don ganin ta ninka abin da ta yi a baya.

Fitattun 'yan wasa a gasar cin kofin duniya ta mata

Irene Paredes ('Yar kasar Spain)

Mai kuzari da gudun tsiya, Paredes, kanwa ce uwar gami kuma abar misali. 'Yar wasan tsakiya wadda ta yi wa Paris Saint-Germain wasa a shekarar 2016, ta kuma kware a fannin kai farmaki. Paredes, ta ci wa Spain kwallaye hudu lokacin fafatawar neman cancantar gasar duniya abin da ya dora ta a saman teburi. Irene Paredes, mai tsaron baya ce da za ta fuskanci Jamus a wasannin rukuni-rukuni a Faransar.

Fitattun 'yan wasa a gasar cin kofin duniya ta mata

Marta ('Yar kasar Brazil)

"Mace kamar maza'' Sau shida Marta Vieira da Silva mai shekaru 33 ke zama gwarzuwar shekara ta hukumar FIFA rukunin mata. Ana ganin cewa har yanzu za ta ci gaba da rike wannan kambu nata. Ba dai shakka ga mutane da dama, Marta za ta ci gaba da zama gwana ta gwanaye a bangaren na mata a duniyar kwallon kafa.

Fitattun 'yan wasa a gasar cin kofin duniya ta mata

Carli Lloyd ('Yan kasar Amirka)

Wannan 'yar wasan tsakiyar ita ce ta ci wa Amirka kwallayen da suka bai wa kasar lambar zinare a shekarun 2008 da kuma 2012 a wasannin Olympics. A gasar kuma ta duniya a shekara ta 2015, ta ci a fafatawa tsakanin Amirka da Japan da aka tashi 5-2. Haka nan a shekarun 2015 da 2016 ta kasance wacce ta fi fice a cewar hukumar kwallo ta duniya FIFA.

Fitattun 'yan wasa a gasar cin kofin duniya ta mata

Asisat Oshoala ('Yar Najeriya)

Baiwar Oshoala, ta fito fili ne a shekarar 2014 lokacin gasar kofin duniya na 'yan kasa da shekaru 20. Duk da ya ke Najeriya ba ta dauki kofi a shekarar ba, Oshoala ta ci kwallaye bakwai da suka ba ta kyautar kwallo da takalman zinare. Yanzu likafarta ta yi gaba, saboda tana yi wa kungiyar Barcelona wasa. Sau uku Asisat ta ci gasar kasashen Afirka ta mata.

Fitattun 'yan wasa a gasar cin kofin duniya ta mata

Dzsenifer Marozsan ('Yar kasar Jamus)

Lamba 10 ta Jamus, hazika ce gwanar taka leda. Bata da ta biyu a fannin kai kwallo raga. Marozsan na daga cikin wadanda suka yi fice a fannin karbar lambobin yabo a fagen wasa a Jamus. 'Yar shekara 27, ta kuma ci gasar zakarun Turai har sau hudu. A 2013 ma ta ci gasar kasashen Turai, sannan shekaru uku daga bisani da sami zinare a gasar Olympics. Yanzu ta shirya sama wa Jamus nasara a Faransar.

Fitattun 'yan wasa a gasar cin kofin duniya ta mata

Amandine Henry (Faransa)

Amandine Henry (daga dama), wata kwararriya ce a fagen iya kwace kwallo kuma ta yi zarra wajen sarrafa ta daga kowane bangare. Yadda matashiyar mai shekaru 29 ke kallon gasar wannan karo da za abuga a Faransa, za ta kasance dalilin shigarta cikin gwanayen mata a fagen tamaula a duniya.

Fitattun 'yan wasa a gasar cin kofin duniya ta mata

Samantha Kerr ('Yar kasar Ostireliya)

Samantha Kerr, na rike da kambun kwallaye 50 na musamman da aka ci a gasar Lik-Lik ta mata a Amirka. Tun tana 'yar shekara 15 da haihuwa ta fara wasa a kungiyar kwallo ta kasarta. Kungiyarta ta zama ta shida a jerin kasashen da FIFA ta jera a gasar Faransa ta bana. Da irin wannan salon da ake gani ta ke nuna murna a duk lokacin da ta ci kwallo, salon da masoyanta ke son gani sosai.

Fitattun 'yan wasa a gasar cin kofin duniya ta mata

Saki Kumagai (Japan)

Kumagai ta ci wasannin Lik-Lik na Faransa sau shida daban-daban da kuma Olympique Lyon. haka kuma ta sau hudu tana cin kofi a gasar zakarun Turai. Keftin din Japan, ta kai kasarta ga nasara a gasar kasashen Asiya a 2018. An nada Kumagai matsayin keftin a 2018, bayan rike matsayin tun a 2011 bayan nasarar Japan kan Amirka a bugun Fenariti da ta ci. Lambobi sama da 100 ta sama wa Japan.

Bikin raya al'adun Afirka a Würzburg na Jamus

Al'adar Baveriya ta sadu da ta Afirka

Wannan tufa mai suna dirndl ba nuna ainihin tushen Lea mai shekaru 21 kawai take ba, amma kuma tana nuna abin da bikin Afirka a Würzburg yake nufi: Bambancin al'adu, yarda da kauna. Lea na sa ran saka wannan dinkin a bikin Oktoberfest na wannan shekara.

Bikin raya al'adun Afirka a Würzburg na Jamus

'Taimaka wa harkokin kida daga Jamus'

Bikin da ya fara a shekarar 1989 a karkashin taken "Yunkurin taikama wa harkokin kida daga Jamus" ya zama daya daga cikin muhimman al'amura na kida da al'adun Afirka a Jamus. A cikin shekarun da suka gabata, fiye da mawaka da masu fasaha 7,000 daga kasashen Afirka 56 da kuma na yakin Caribbean sun gabatar da mabambantan al'adu zuwa wannan karamin garin na Jamus.

Bikin raya al'adun Afirka a Würzburg na Jamus

Bushe-bushe daga Femi Kuti

Tare da nagartaccen sauti daga saxophone da kuma kyakkyawar yanayi, Femi Kuti - da ga Fela Kuti - ya nishadantar da wadanda suka hallara. "Afrika za ta kasance mai girma," in ji shi, a wata waka da ke sukar 'yan siyasa na Afirka.Ya ce "Muna bukatar jagoranci mai kyau, kuma dole dukkan 'yan Afirka su shiga a dama da su,"in ji Kuti, "Matasa sun fahimci cewa rayuwarsu ce kuma suna bukatar adalci."

Bikin raya al'adun Afirka a Würzburg na Jamus

Salon kida na soul

Wani salon kida kuma shi ne na Ndlovu Youth Choir daga Afirka ta Kudu. Abin da ya fara shekaru goma da suka wuce a matsayin aikin da zai taimaka wa matasa masu fama da talauci ya rikide zuwa na hadin kai. Sun sha yabo daga sassa na duniya a shekara ta 2018 bisa wakarsu mai taken "Shape of You" na Ed Sheeran da aka rera cikin harshen Zulu.

Bikin raya al'adun Afirka a Würzburg na Jamus

Kora ta hadu da salon kida na zamani

Wannan abin kida na kora da ake samu a yammacin Afirka sun hada da na soul. Mawaki na kasar Senegal mai suna Saliou Cissokho ya fito ne daga tsatson maroka - masu kida da waka na gargajiya. Tare da matarsa, Anna, ya surka salon kida na kasar Senegal da kida na zamani. "Kasancewa a nan ya kasance abu na musamman. Mu duka dangi daya ne." In ji shi.

Bikin raya al'adun Afirka a Würzburg na Jamus

Al'adun Karibiyan a Baveriya

Shiga irin ta al'ada tare da makada da kuma masu rawan samba ya kawo wa bikin wata tsaraba daga yankin Karibiyan. Shahararrun makadan sun fito ne daga Aruba da Curacao, tsibirai guda biyu na bakin tekun Kudancin Amirka. Wakar da rawa da suka fito daga can sun daga bayin Afirka da aka kawo dada daya bangaren na Atlantkac. Bikin al'adun ya kasance hadi tsakanin al'adun da abin da zamani ya kawo.

Bikin raya al'adun Afirka a Würzburg na Jamus

'Launi dabam-dabam - mutane daya'

Wannan shine maudu'in bikin na wannan shekara, kuma mawaka da makada da 'yan kallo sun rungumeshi hannu bi-biyu. "Aikin Afirka na sada zumunci kuma yana kawo kaunar al'adun Afirka," in ji Christian Schuchardt magajin garin Würzburg . ya ce "a wadannan lokutta na siyasa masu rikitarwa, wannan na da muhimmanci fiye da da."

Bikin raya al'adun Afirka a Würzburg na Jamus

Al'adar iyali na kowace shekara

Ga 'yan Afirka da yawa da suke zaune a Jamus, bikin ya zame musu wani taron shekara-shekara. Amina, Aliya da Soraya sun shafe shekaru suna zuwa bikin da iyayensu. "Ga yara, abu ne mai kyau su ga cewa Afirka ba kawai ta kare a kan talauci da wahala ba ne, kamar yadda aka saba bayyanata," in ji mahaifiyarsu, Vijdan (dama).

Bikin raya al'adun Afirka a Würzburg na Jamus

Don kaunar nahiyar Afirka

Ga yawancin Jamusawa, wata dama ce ta ganin Afirka baya dga rahotannin da manyan kafofin watsa labarai ke bayarwa. "Mun kasance a nan don kaunar kade-kade da al'adun Afirka," in ji wasu ma'aurata. Abin da suka fara nakalat daga al'adun Afirka ya fito ne ta hanyar bita. Matakinsu na gaba zai zama tafiya zuwa nahiyar Afirka ita kanta.

Bikin raya al'adun Afirka a Würzburg na Jamus

Dinkin kayan kwalisa daga Senegal

Dinkin kayan kwalisa na da gurbi a lokacin bikin Würzburg. Mai dinkin kaya kawa a Senegal mai suna Rama Diaw na nuna jerin dinke-dinkenta a wannan bikin tun shekaru bakwai da suka wuce. Tufafinta na musamman da ke zuwa daga manyan teloli na kasarta, lamarin da ke zama hanyar samar da ayyuka da walwala.

Bikin raya al'adun Afirka a Würzburg na Jamus

Daga Cape Town zuwa Marrakech

Daga shayi na mintin na Moroko zuwa ga sassake-sassaken Shona, dag gumaka na kasar Togo gami da sarka na kabilar Masai da ke kasar Kenya: Wannan balaguru ne a cikin nahiyar nahiyar cikin kimanin awa daya a Würzburg. Tantuna akalla 70 na abinci da sauran abubuwa ne ke jan hankali kan arzikin al'ada da Afirka ke da shi.

Bikin raya al'adun Afirka a Würzburg na Jamus

Stories and stunts

Adessa, kungiyar 'yan wasan rawa da barkwanci ta kasar Ghana suna nuna basirarsu don jin dadin mahalarta. Suna yin lankwashe-lankwashe, tare da sarkafa junansu, kuma suna raka kananan maziyarta bikin zuwa cikin dakin da aka ware wa yara. A nan ne ma, Ibrahima Ibrahima dan kasar Senegal ke jiransu, don ya nuna musu shafin yanar gizon da ya kunshi al'adun yankin Afirka ta Yamma.

Labarai cikin harshen Ingilishi

DW TA CIKA SHEKARU 65

Dandalin sada zumunta!

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو