1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Omar al-Bashir ya gurafana gaban Kotu

Abdoulaye Mamane Amadou
August 19, 2019

Tsohon shugaban kasar Sudan Omar al Bashir ya gurfana a gaban kotu a Khartoum a wannan Litinin, domin fuskantar shari’a bisa tuhumarsa da aikata cin hanci da rashawa.

https://p.dw.com/p/3O8Z4
Sudan Khartum Ex-Präsident Umar al-Baschir vor Gericht
Hoto: Reuters/M. N. Abdallah

Sanye da fararen kaya irin na gargajiya, zaune cikin wani akurki na karfe da ke cikin kotun ta birnin Khartum,  magoya bayan tsohon shugaban sun barke da kabbara a yayin da hukumar yan sanda ta bayyana cewa ya karbi kudi kudi daga kasar Saudiyya.

Masu bincike a kasar ta Sudan na zargin shugaba el-Bashir da karbar kudi da suka kai dalar Amirka miliyan 90 daga yarima mai jiran gado na Saudiyya Mohammed ben Salmane

Omar el-Bashir wanda ke tsare a wani gidan yari da ke birnin Khartum, hukumar mulkin sojan kasar na zarginsa ne da tara makudan kudade fiye da dalar Amirka miliyan dari da 13 a yayin wani samame da suka kaddamar a gidansa, jim kadan bayan hambarar da shi daga madafan iko.