1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An kama wani fitaccen dan Al-Qaida a Jordan

Ahmed SalisuOctober 27, 2014

Jami'an tsaro a kasar Jordan sun kama fitaccen jigon nan na kungiyar Al-Qaida Abu Mohammad al Maqdisi bisa zarginsa da tunzura mutane su yi aiyyukan ta'addanci.

https://p.dw.com/p/1DcxR
Nusra-Front in Syrien ARCHIV 2013
Hoto: picture-alliance/AP Photo

Hukumomi suka ce sun kama al-Maqdisi din ne a wannan Litinin din bayan da aka gayyace shi domin amsa wasu tambayoyi a ofishin mai gabatar da kara na kasar. Yanzu haka dai jami'an tsaron sun ce za su cigaba da tsare shi har nan da kwanaki goma sha biyar da ke tafe.

Gabannin bayyana shirin nasu na tsare shi da, jami'an tsaron sun tuhume shi zargin amfani da intanet wajen nuna goyon baya da ma jan hankali mutane wajen karkata ga yin jihadi da kungiyoyi masu kaifin kishin addini ke da'awar yi.