1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An kashe wani babban jam'in tsaro a Libiya

August 12, 2014

Rahotanni daga Tripoli babban birnin Libiya, sun ce wasu mutane sun hallaka babban Daraktan 'yan sandar ƙasar bayan da suka buɗe masa wuta.

https://p.dw.com/p/1Ct9v
Hoto: Abdullah Doma/AFP/Getty Images

Kisan ya faru ne wannan Talatar(12.08.2014) inda wasu mutane masu fuskoki a rufe, suka buɗe wuta ga motar Kanal Mohamed al-Souissi.

Wanda ke kan hanyarsa ta dawowa gida daga birnin Tajoura da ke gabashin Tripoli, inda ya halarci zaman taron Majalisar wannan ƙaramar hukumar a cewar wata majiyar jami'an tsaro. Daraktan 'yan sandar ya rasu ne lokaci kaɗan bayan da aka isa da shi zuwa wani asibiti mafi kusa, kuma babu wasu da suka ɗauki alhakin kai wannan hari yazuwa yanzu

Mawallafi: Salissou Boukari
Edita : Abdourahamane Hassane