An rantsar da sabon firaministan Australia

Lokacin da ya ke shan rantsuwar kama aiki, Tony Abbott dan shekaru 55 da haihuwa ya lashi takobin yin aiki tukuru don kyautata rayuwar al'ummar kasarsa.

Abbott har wa ya yau ya yi alkawarin kawo karshen dumbin harajin da gwamnatin da ya gata ta sanyawa kamfanonin da ke kan gaba wajen gurabata muhalli, sannan kuma ya ce zai bijiro da wata doka nan take kan masu neman mafakar siyasa a kasar wadda za ta kunshi karkata akalar jiragen ruwan masu neman mafakar da suka isa kasar zuwa kasar Indonesia.

Gabannin wannan rantsuwar kama aikin da sabon firaministan ya yi, ya girka majalisar ministocinsa mai mai mambobi sha tara sai da wannan yunkuri da ya yi ya ci karo da suka daga ciki da wajen jam'iyyarsa kasancewar majalisar ministocin ta kushi mace guda kacal ne.

Mawallafi: Ahmed Salisu
Edita: Umaru Aliyu