1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An tsare bakin hauren Afirka da dama a Libya

Mohammad Nasiru AwalOctober 8, 2015

A kullum daruruwan 'yan Afirka musamman daga kasashen Kudu da Sahara ke kokarin gwada sa'arsu ta shigowa Turai daga Libya.

https://p.dw.com/p/1GlIE
Libanon Flüchtlinge in Tripoli
Hoto: DW/M. Olivesi

Jami'an tsaron kasar Libya sun tsare bakin haure kusan 300 daga kasashen Afirka Kudu da Sahara, wadanda suka boya a wata gona a birnin Tripoli suna jiran wani jirgin ruwa da zai kawo su Turai. Abdel Nasser Hazem shi ne kakakin ma'aikatar yaki da bakin haure a Libya wanda ya yi karin haske.

"Ofishin bincike na birnin Tripoli ya kai samame a wani sansanin bakin haure da ke birnin. Akwai mutane kimanin 289 daga kasashe daban-daban. An kama su kuma an kawo su nan wurin, yanzu haka kuma mun fara shirye-shiryen mayar da su kasashensu na asali."

A kowace shekara dai dubun dubatan 'yan Afirka Kudu da Sahara na bi ta Libya a kokarinsu na neman shigowa nahiyar Turai ta tekun Bahar Rum.