1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An yanke wa Oscar shekaru biyar

YusufOctober 21, 2014

Masu sanya idanu a shari'ar ta Oscar mafi akasari na tsammanin ayi masa hukunci mai tsauri don ya zamo darasi ga 'yan baya, sai dai masu kare shi na cewa kamata ya yi ayi masa sassauci saboda nakasarsa.

https://p.dw.com/p/1DZ2n
Oscar Pistorius Gericht Pretoria
Hoto: Reuters/M. Hutchings

A yau Talata ce dan wasan nakasassunnan dan kasar Afirka Ta Kudu Oscar Pistorius ya san hukuncinsa na zaman shekaru biyar a gidan kaso bayan kisan masoyiyarsa a ranar masoya ta shekarar bara.

A cewar me shari'a masifa zai kwashe wadannan shekaru ne saboda kisa ba da ganganba, hukuncin da ya kawo karshen watanni bakwai na bibiyar wannan shari'a da ta dauki hankula na al'umma a kasashen duniya.

A yau dai mai shari'a Thokozile Masipa, ta yanke nata hukuncin, bayan da a baya mai gabatar da kara ya nemi a daure Oscar Pistorious tsawon shekaru goma a gidan kaso, inda a bangaren masu ba shi kariya ke neman a yi masa daurin talala a gida, sannan ya rika wasu ayyuka na taimakon al'umma.

A watan da ya wuce ne mai shari'a Masipa ta sami Oscar da laifin kisan budurwarsa Reeva Steenkamp, amma ba da ganganci ba, laifin da zai iya sawa a yi masa hukunci da ya kama daga tara zuwa dauri a gidan kaso.