1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An yi jana'izar Ziad Abou Eïn na Falasdinu

December 11, 2014

Dubban Falasdinawa ne suka hallara a wannan Alhamis din a birnin Ramalla, domin halartar jana'izar Ziad Abou Eïn, wanda ya rasu sakamakon dauki ba dadi da sojojin Isra'ila.

https://p.dw.com/p/1E2hx
Hoto: Reuters/I. Rimawi

Hukumomi da sauran al'ummar Falasdinawa ne suka isa a cibiyar gwamnatin ta Falasdinu domin mika ta'aziyar su a gaban gawar marigayin wanda tsofon mataimakin ministan kasar ne da akasari ake kiran sa da sunan minista kuma daya daga cikin shika-shikan jam'iyyar Fatah.

Dubban jama'ar sun yi rakiyar gawar marigayin har ya zuwa makabarta mafi kusa da inda aka yi jana'izar sa. Tuni dai Shugaban Falasdinawa Mahmoud Abbas ya kaddamar da zaman makoki na kwanaki uku a fadin kasar, yayin da makarantu da shaguna suka kasance a rufe.

Mawallafi: Salissou Boukari
Edita : Pinado Abdu