Ana ci gaba da taya Obama murnar sake zabensa

Shugaban na kasar Jamus cewa ya yi kasashensu biyu wato Amirka da Jamus za su ci gaba da mutunta juna a dangatakarsu. Ministan harkokin wajen Jamus, Guido Westerwelle shi kuma a nasa bangaren ya kyautata fatan ci gaba da yin hadin-gwiwa da Amirka bayan sake zaben Shugaba Obama yana mai sa ran ci gaba da shirin wargaza makaman kare dangi. Westerwelle ya fadi haka ne a cikin jawabin da ya yi a birnin New York inda yake ziyara. Ya ce ko da ya ke an samu ci gaba a manufar wargaza makaman kare dangi a shekaru biyun da suka gabata, to amma ana bukatar kara mai da hankali ga wannan batu. A don haka ya yi kira ga kasashen Amirka da Rasha da su yi aiki tare wajen ci gaba da shirin kau da makaman kare dangi domin tabbatar da tsaro a fadin duniya.

Westerwelle ya kuma yi kira da a samar da walwalar cinkayya tsakanin kasahen Turai da Amirka.To sai dai ga baki daya babu wani sauyi da ministan harkokin wajen na Jamus ke sa ran gani a manufofin Amirka akan ketare.

Mawallafiya: Halima Balaraba Abbas
Edita: Mohammad Nasiru Awal