1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Zuckerberg zai bayyana a gaban majalisar Amurka

Zainab Mohammed Abubakar
October 5, 2021

'Yan majalisar Amurka sun zargi shugaban kamfanin Facebook Mark Zuckerberg da mayar da hankali kan yin riba, ba tare da la'akari da bada kariya ga masu amfani da shafin ba.

https://p.dw.com/p/41J9j
Frances Haugen Facebook-Whistleblowerin
Hoto: Drew Angerer/Consolidated News Photos/Pool via AP/picture alliance

'Yan majalisar Amurka sun bukaci da a gudanar da bincike kan zargin da mai kwarmata bayanan kamfanin ta yi na cewar, shafin sada zumuntar na cutar da yara kanana da haifar da rarrabuwar kawuna.

Ba'asin na mai tonan asiri Frances Haugen a gaban majalisar dottijan Amurkan na zuwa ne yini guda, bayan matsalar daukewar da shafin sada zumunta na Facebook da dangoginta na Instagram da WhatsApp suka yi na tsawon sao'i shida.

Shugaban karamin kwamitin harkokin kasuwanci Senata Richard Blumenthal na jam'iyyar Demokrat ya ce, Facebook na sane da cewar ya kan jarabci masu ma'amala da shi kamar sigari, "kuma 'ya'yanmu ne ke cutuwa" don haka wajibi ne Mark Zuckerberg ya bayyana don bada ba'asi a gaban kwamitin.