Bush ya sanya hannu kan dokar kara matsawa gwamnatin Sudan lamba

Shugaba Bush na Amurka ya sanya hannu kan wata doka da ta amince da ƙara matsawa gwamnatin Sudan lamba a fannin tattalin arziki sakamakon abinda ke faruwa a lardin Darfur. Bush yace gwamnatinsa zata ci gaba a ƙoƙarin da take yi na ganin an samu ci gaba mai ma’ana a lardin Darfur ta hanyar kafa takunkumi kan gwamnatin Sudan da kuma a fannin diplomasiya tare da bada goyon baya ga aikewa da dakarun wanzar da zaman lafiya a Darfur. Dokar dai tana mai bada shawara ne ga hukumomin Amurka da kuma masu saka jari masu zaman kansu da janye daga saka jari a kanfanoni dake hulɗa da Sudan.