1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

China: Yakin cinikayya bai amfani Amirka ba

Abdullahi Tanko Bala
June 2, 2019

China ta zargi Amirka kan takaddamar cinikayyar da ta barke a tsakanin kasashen biyu, tana mai cewa babu gudu ba ja da baya kan muhimman manufofi da ta tsaya akansu.

https://p.dw.com/p/3JdC4
Symbolbild USA-China-Handelskrieg
Hoto: Colourbox

Wata sanarwa daga ofishin kakakin gwamnatin ta ce China ta cika akawuranta a dukkan tattaunawa goma sha daya da suka yi da Amirka kuma a shirye ta ke ta martaba su idan an cimma yarjejeniya kan cinikayyar.

Ta kuma zargi Amirka da kwan gaba kwan baya har sau uku yayin da ake tattaunawar inda ta rika bullo da wasu sabbin kudin fito da wasu dokoki da suka wuce abin da aka cimma yarjejeniya akansu.

Mataimakin ministan kasuwanci Wang Shouwen ya mayar da martani ga zargin Amirka cewa Beijin ta sauya yarjejeniya yayin da ake zagayen karshe na cimma matsaya a farkon wannan watan. 

"Yace shawarwari tattaunawa ce kawai amma ba yarjejeniya. Babu wani ja baya da muka yi. Idan ana tattaunawa babu yarjejeniya sai an amince akan komai tukunna."