Ana zaman jimamin mutuwar dalibi

Rahotannin na cewa, dalibin ya fado kasa daga wani ginin gareji bayan da 'yan sanda suka fesa wa dandazon masu zanga-zangar barkonon tsohuwa, kafin ya mutu a wannan Juma'a a sakamakon raunin da ya samu daga faduwar.

Jim kadan da sanarwar rasuwar dalibin mai shekaru ashirin da biyu, masu zanga-zangar suka kara daura damara, inda suka nemi a gudanar da gagarumin gangami don ganin an hukunta wadanda keda hannu a mutuwar dalibin.

Fiye da watannin hudu kenan, ana zanga-zanga a yankin a game da adawa da dokar tusa masu laifi zuwa kasar Chaina da gwamnatin Hong Kong din ta kudiri niyyar yi, kafin ya rikide na son neman sauyin gwamnati.