1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Isra'ila: An zabi sabon firaminista

Salmanu Shehu
June 13, 2021

Majalisar dokokin a Isra'ila ta Knesset ta kawo karshen mulkin firaminista Benjamin Netanyahu na kusan shekaru goma sha biyu bayan amincewa da kawancen hadaka na jam'iyu takwas.

https://p.dw.com/p/3uq32
Israel Knesset | Netanjahu und Bennett
Hoto: Ronen Zvulun/REUTERS

'Yan majalisar dokokin Israila ta Knesset sun kada kuri'ar zaben sabon firaministan kasar, a wani kawance na jam'iyyu takwas da ya kawar da firaminista Benjamin Netanyahu daga karagar mulki a karon farko cikin kusan shekaru goma sha biyu.

Gamayyar jam'iyun adawa guda takwas masu karamin rinjaye da kujeru 61 cikin 120 a majalisar ne, suka mayar da jam'iyar shugaba Natanyahu ta adawa. 

Bayan da yan adawar suka samu yadda suke so, sun maye gurbin Natayanhun da Naftali Bennett mai sassafcin ra'ayi a matsayin sabon firaministan na Isra'ilar.