1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfirka

Jamus: Tuna 'yantar da sansanin Nazi a Buchenwald

Abdoulaye Mamane Amadou
April 11, 2021

An yi bikin tunawa da zagayowar ranar da aka 'yantar da sansanin gwale-gwale na 'yan Nazi a Buchenwald, inda mutane 56,000 suka mutu a lokacin yakin duniya na biyu.

https://p.dw.com/p/3rqMh
Gedenken an die Befreiung der Konzentrationslager Buchenwald und Mittelbau-Dora vor 76 Jahren
Hoto: Karina Hessland/REUTERS

A albarkacin zagayowar ranar tunawa da 'yantar da sansanin gwale-gwale Shugaban Jamus Frank-Walter Steinmeier, ya ce ya zama tilas Jamusawa su san cikakken tarihin tasa'ar da ta auku a sansanin na 'yan Nazi.

Shugaba Steinmeier a yayin jawabinsa na wannan shekarar ya ce duk wanda ya manta abinda ya faru, to babu makawa zai iya manta da abinda zai iya wakana a gaba. 

Akalla mutum 56,000 ne suka mutu a yayin da sojojin Amirka suka kwace sansanin na Buchenwald daga hannun 'yan Nazi shekaru 76 da suka gabata a lokacin yakin duniya na biyu.