1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Kungiyar Al-Shabaab ta nada sabon shugaba

September 6, 2014

Kungiyar nan ta masu kaifin kishin addini ta Al-Shabaab da ke gwagwarmaya da makamai a Somalia da wasu kasashen gabashin Afirka ta sanar da nada sabon shugaba.

https://p.dw.com/p/1D8DG
Somalia Mogadischu Al-Shabaab Kämpfer ARCHIV
Mayakan kungiyar Al-Shabaab cikin damarar yakiHoto: Jan Grarup, Laif

Kamfanin dillancin labarai na AFP ya rawaito wata kafa da ke sanya idanu kan kungiyoyin 'yan tarzoma mai suna SITE na cewar kungiyar ta nada Sheikh Abu Ubaida Ahmad Umar don ya cigaba da jan ragamar kungiyar.

A sanarwar ta kuma ce ta kuma ce Al- Shabaab din za ta cigaba da biyayya dari bisa dari ga kungiyar Al-Qaida. Sheikh Abii Ubaida Ahmad Umar dai zai maye gurbin tsohon shugaban kungiyar Ahmad Abdi Godane ne wanda ya rasu sakamakon wani harin jiragen yakin Amirka da ya rutsa da shi a farkon mako.

Mawallafi: Ahmed Salisu
Edita: Usman Shehu Usman