Nijar: Rufe mahakar zinare a Maradi

A cikin wani kudiri da ta dauka yayin taron majalisar ministoci na baya-baya nan, gwamnatin ta Jamhuriyar Nijar ta bayyana matakin rufe mahakar. Mutane 18 ne dai suka rasa rayukansu, a yayin hadarin da ya faru sakamakon ruftawar wasu rijiyoy a mahakar zinaren. Cikin wadanda suka rasuan akwai 'yan Jamhuriyar ta Nijar Biyar da 'yan Najeriya 13. Tuni dai kungiyoyin farar hula suka fara fargaba, dangane da abubuwan da ka iya biyo bayan rufewar kamar karuwar zaman kashe wando saboda rashain aikin yi da fashi da makamai da sace-sace har ma da kila garkuwa da mutane. Acewar kungiyoyin akwai bukatar hukumomin su sake yin nazari kan wannan al'amari, domin ka da a bar baya da kura.