Matsalar baƙin haure daga Afirka zuwa Turai
April 21, 2013A ƙasar Spain aƙalla yan sanda shida suka jikkata, bayan arangama da suka yi da baƙin haure dake neman shigowar ƙasar. Baƙin hauren da suke ɗauke da sanduna da wuƙaƙe, sun gobza da 'yan sadan ne bayan da aka nemi hanu su shiga ƙasar ta Spain, yayinda suka fito daga ƙasar Moroko cikin kwale-kwale. 'Yan sanda sun tsare biyar daga baƙin hauren, amma sauran sun sulale sun shiga ƙasar ta wani tsibiri dake yankin Afirka. Aƙalla baƙin haure 80.000 suke zama a tsibirin Melilla inda lamarin ya faru. Dubban yan gudun hijira ne dai daga ƙasashen Afirka, ke neman shigowa Turai ta ɓarauniyar hanya, don neman rayuwa mai inganci, inda da damansu kan rasa rayuka bisa hatsarin da hanyar ke da shi.
Mawallafi: Usman Shehu Usman
Edita: Zainab Mohammed Abubakar