1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Raguwar sojin Rasha kusa da Ukraine

Ahmed SalisuOctober 13, 2014

Rundunar sojin Ukraine ta ce an samu raguwar sojin Rasha a yankunan da 'yan awaren da ke goyon bayan Rasha da dakarun gwamnatin kasar ke tafka fada.

https://p.dw.com/p/1DUw4
Wladimir Putin
Hoto: S.Chirikov/AFP/Getty Images

Andriy Lysenko da ke magana da yawun hukumar tsaron kasar ya ce da safiyar Litinin din nan galibin sojin Rashan da aka girke a wasu sansanoni da ke Ukarine sun koma sansaninsu na asali da ke cikin Rasha.

Wannan dai na zuwa ne bayan da a karshen mako shugaban Rashan Vladmir Putin ya bada umarnin janye dubban sojin kasarsa da aka tura kusa da kan iyakar kasar da Ukraine.