1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Rex Tillerson zai kai ziyara kasashen Afirka

Yusuf Bala Nayaya
March 2, 2018

A makon me zuwa ne sakataren harkokin wajen Amirka Rex Tillerson zai kai wata ziyara kasashen Afirka kamar yadda ma'aikatar harkokin wajen Amirka ta bayyana a ranar Alhamis.

https://p.dw.com/p/2tYzr
USA Rex Tillerson in Malaysia
Hoto: Getty Images/AFP/M. Vatsyayana

Ziyarar da ke zama ta farko a wannan nahiya tun bayan da Shugaba Donald Trump ya hau karagar mulki.

Tillerson zai ziyarci manyan biranen kasashen Chadi da Djibouti da Habasha da Kenya da Najeriya, a ziyarar da zai kai tsakanin ranakun shida zuwa 13 ga watan nan na Maris kamar yadda Heather Nauert da ke magana da yawun ma'aikatar harkokin wajen na Amirka ta bayyana a ranar Alhamis.

Wannan ziyara dai ta Tillerson na zuwa ne bayan da mai gidansa Trump a watan Janairu ya bayyana kasashen na Afirka a matsayin kofar shadda, ana kuma sa ran a lokacin ziyarar ya gana da shugabanni na kasashen da shugabanni a kungiyar AU inda za su mayar da hankali kan batutuwa da suka shafi tsaro da kasuwanci da shugabanci nagari.