Rudani jama'a na kin karbar tsohuwar Naira

Dubban kanana da matsakaitan 'yan kasuwa a Najeriyar na cikin tsaka mai wahalar gaske sakamakon gaza canjin kudaden a yayin da wa'adin karshe na watan Janairun ke kara karatowa.

Kama daga babban birnin tarraya Abuja ya zuwa jihohin kasar da daman gaske tuni 'yan kasuwa suka fara kin karbar tsoffin kudaden yayin da kuma sabbabin babu su a gari.

Abin jira a gani dai na zaman yadda take shirin kayawa a tsakanin babban bankin dake neman sauyin zamani, da kuma sauran jama'ar garin dake fadin ana gaggawa.